Surah The Traducer [Al-Humaza] in Luhya

Surah The Traducer [Al-Humaza] Ayah 9 Location Makkah Number 104

وَیۡلࣱ لِّكُلِّ هُمَزَةࣲ لُّمَزَةٍ ﴿1﴾

Eshinyasio eshikhongo shilinyoola buli umoonyanga khubikhole nende khumakhuwa!

ٱلَّذِی جَمَعَ مَالࣰا وَعَدَّدَهُۥ ﴿2﴾

Ulia wabunjelesia omwandu mana nakubala.

یَحۡسَبُ أَنَّ مَالَهُۥۤ أَخۡلَدَهُۥ ﴿3﴾

Aparanga mbu omwandu kukwe kulimutonyia tsinyanga tsioosi!

كَلَّاۖ لَیُنۢبَذَنَّ فِی ٱلۡحُطَمَةِ ﴿4﴾

Shikali kario tawe! Toto alikhuyungwa mu Hutwama.

وَمَاۤ أَدۡرَىٰكَ مَا ٱلۡحُطَمَةُ ﴿5﴾

Ne nishina shilakhwechesia mbu Hutwama nishina?

نَارُ ٱللَّهِ ٱلۡمُوقَدَةُ ﴿6﴾

Ni omulilo kwa Nyasaye okwawafibwa.

ٱلَّتِی تَطَّلِعُ عَلَى ٱلۡأَفۡـِٔدَةِ ﴿7﴾

Okuninanga khumioyo.

إِنَّهَا عَلَیۡهِم مُّؤۡصَدَةࣱ ﴿8﴾

Toto oko baliikalilwamwo.

فِی عَمَدࣲ مُّمَدَّدَةِۭ ﴿9﴾

Khutsisiilo tsiarambiyibwa po.