English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSettings
Surah The Clear proof [Al-Bayyina] in Luhya
لَمْ يَكُنِ ٱلَّذِينَ كَفَرُوا۟ مِنْ أَهْلِ ٱلْكِتَٰبِ وَٱلْمُشْرِكِينَ مُنفَكِّينَ حَتَّىٰ تَأْتِيَهُمُ ٱلْبَيِّنَةُ ﴿1﴾
Shibali Abakhayi mubandu beshitabu nende Abatsokaasi bokhulekha akabali ninako okhuula kaboolele amenoosio.
رَسُولٌۭ مِّنَ ٱللَّهِ يَتْلُوا۟ صُحُفًۭا مُّطَهَّرَةًۭ ﴿2﴾
Omurumwa okhurula khu Nyasaye ubasomelanga tsimbapulo tsindafu.
فِيهَا كُتُبٌۭ قَيِّمَةٌۭ ﴿3﴾
Mukari mwatsio kalimwo amahandiko kakololokha.
وَمَا تَفَرَّقَ ٱلَّذِينَ أُوتُوا۟ ٱلْكِتَٰبَ إِلَّا مِنۢ بَعْدِ مَا جَآءَتْهُمُ ٱلْبَيِّنَةُ ﴿4﴾
Ne shibakabukhana balia bahebwa eshitabu halali nibakhamala okhuulilwa nende amenoosio.
وَمَآ أُمِرُوٓا۟ إِلَّا لِيَعْبُدُوا۟ ٱللَّهَ مُخْلِصِينَ لَهُ ٱلدِّينَ حُنَفَآءَ وَيُقِيمُوا۟ ٱلصَّلَوٰةَ وَيُؤْتُوا۟ ٱلزَّكَوٰةَ ۚ وَذَٰلِكَ دِينُ ٱلْقَيِّمَةِ ﴿5﴾
Nabo shibalomesibwa shiosishiosi tawe halali okhulaama Nyasaye nibamutswenulila idini, Abandu abalunjifu, ne balumilile okhulaama iswala, ne barusie eshihanwa shia izaka. Ne eyo niyo idini yema obulayi muno.
إِنَّ ٱلَّذِينَ كَفَرُوا۟ مِنْ أَهْلِ ٱلْكِتَٰبِ وَٱلْمُشْرِكِينَ فِى نَارِ جَهَنَّمَ خَٰلِدِينَ فِيهَآ ۚ أُو۟لَٰٓئِكَ هُمْ شَرُّ ٱلْبَرِيَّةِ ﴿6﴾
Toto balia bakhaya mu bandu beshitabu nende mubatsokaasi balinjila mumulilo kwa Jahannamu, bamenyemwo tsinyanga tsioosi. Ebio nibio ebiloonje ebibii mubilonje bioosi.
إِنَّ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ أُو۟لَٰٓئِكَ هُمْ خَيْرُ ٱلْبَرِيَّةِ ﴿7﴾
Toto balia abasuubila mana nibakhola amalayi, ebio nibio ebilonje ebilayi mubilonje bioosi.
جَزَآؤُهُمْ عِندَ رَبِّهِمْ جَنَّٰتُ عَدْنٍۢ تَجْرِى مِن تَحْتِهَا ٱلْأَنْهَٰرُ خَٰلِدِينَ فِيهَآ أَبَدًۭا ۖ رَّضِىَ ٱللَّهُ عَنْهُمْ وَرَضُوا۟ عَنْهُ ۚ ذَٰلِكَ لِمَنْ خَشِىَ رَبَّهُۥ ﴿8﴾
Omurungo kwabu ewa Nyasaye wabu Omulesi ni emikunda chilaliwa tawe, echiburangamwo emialo. Ako nikhu ulia uritsanga Nyasaye wuwe Omulesi.