Surah The earthquake [Al-Zalzala] in Maguindanaon

Surah The earthquake [Al-Zalzala] Ayah 8 Location Madinah Number 99

إِذَا زُلْزِلَتِ ٱلْأَرْضُ زِلْزَالَهَا ﴿1﴾

Amayka linggin den su lupa kanu linug nin (kabangkit sa dunya).

وَأَخْرَجَتِ ٱلْأَرْضُ أَثْقَالَهَا ﴿2﴾

Itubpa nin su langun nu minatay a pakawgat lun.

وَقَالَ ٱلْإِنسَٰنُ مَا لَهَا ﴿3﴾

Nya madtalu nu mga taw nan gin nyaba ganggula a nya?

يَوْمَئِذٍۢ تُحَدِّثُ أَخْبَارَهَا ﴿4﴾

Antu ba a gay panudtulan nu lupa su malat-mapya a galabakan kanu bigkugung nin.

بِأَنَّ رَبَّكَ أَوْحَىٰ لَهَا ﴿5﴾

Sabap sa ilham nu Allah kanu lupa i makadtalu.

يَوْمَئِذٍۢ يَصْدُرُ ٱلنَّاسُ أَشْتَاتًۭا لِّيُرَوْا۟ أَعْمَٰلَهُمْ ﴿6﴾

Antuba a gay na ulyan na kapasad agkukum ka abpalak-palak den su mga taw, ka ipaylay kanu uman-isa i balas nu galabak nin (sya sa dunya).

فَمَن يَعْمَلْ مِثْقَالَ ذَرَّةٍ خَيْرًۭا يَرَهُۥ ﴿7﴾

Su minggalabak sa mapya apya pan mana bu tapung na ipaylay lun (sub alas nin).

وَمَن يَعْمَلْ مِثْقَالَ ذَرَّةٍۢ شَرًّۭا يَرَهُۥ ﴿8﴾

Su minggalabak manem sa malat apya pan mana bu tapung na ipaylay lun bun (siksa nin).