Surah The morning hours [Ad-Dhuha] in Malagasy

Surah The morning hours [Ad-Dhuha] Ayah 11 Location Makkah Number 93

وَٱلضُّحَىٰ ﴿1﴾

Mianiana Aho amin'ny misandratr'andro.

وَٱلَّیۡلِ إِذَا سَجَىٰ ﴿2﴾

Sy ny amin'ny alina mikitroka.

مَا وَدَّعَكَ رَبُّكَ وَمَا قَلَىٰ ﴿3﴾

Fa tsy nandao sy tsy nankahala anao ny Tomponao,

وَلَلۡـَٔاخِرَةُ خَیۡرࣱ لَّكَ مِنَ ٱلۡأُولَىٰ ﴿4﴾

Ny fiainana any ankoatra dia tsara lavitra ho anao nohon'ny fiainana eto an-tany.

وَلَسَوۡفَ یُعۡطِیكَ رَبُّكَ فَتَرۡضَىٰۤ ﴿5﴾

Hanome fahasoavana ho anao ny Tomponao ka dia ho afa-po tokoa ianao noho izany.

أَلَمۡ یَجِدۡكَ یَتِیمࣰا فَـَٔاوَىٰ ﴿6﴾

Moa va tsy hitany tao anatin'ny fahakambotiana ianao ka tsy noraisiny ?

وَوَجَدَكَ ضَاۤلࣰّا فَهَدَىٰ ﴿7﴾

Hitany tao anaty fahaverezana ianao ka dia notarihiny.

وَوَجَدَكَ عَاۤىِٕلࣰا فَأَغۡنَىٰ ﴿8﴾

ary hitany tao anatin'ny fahantrana lalina ianao ka dia nomeny ny ampy.

فَأَمَّا ٱلۡیَتِیمَ فَلَا تَقۡهَرۡ ﴿9﴾

Koa aza manao tsindry hazo lena ny kamboty.

وَأَمَّا ٱلسَّاۤىِٕلَ فَلَا تَنۡهَرۡ ﴿10﴾

Ary aza atosi-boho-tanana ny mpangataka,

وَأَمَّا بِنِعۡمَةِ رَبِّكَ فَحَدِّثۡ ﴿11﴾

Fa lazao kosa ireo fahasoavan'ny Tomponao.