Surah The Chargers [Al-Adiyat] in Pashto

قسم دى په تېزو ځغلېدونكو اسونو، چې له سینو او ګېډو نه اواز ایستونكي دي

پس (قسم دى) په هغو اسونو چې په خپلو سُمانو سره تیږې وهي او اور را ایستونكي دي

پس (قسم دى) په هغو اسونو چې د سبا په وخت كې لوټمار كوونكي دي

نو په دغه وخت كې دغه (اسونه) ګرد پورته كوي

پس په دغه وخت كې د لويې ډلې په مینځ كې ننوځي

چې بېشكه انسان د خپل رب ډېر ناشكره دى

او بېشكه دى په دې خبره یقینًا ښه خبردار (او ګواه) دى

او بېشكه دى د مال په مینه كې یقینًا ډېر سخت دى

ایا نو دى نه پوهېږي كله چې هغه (مړي) راوښكل شي چې په قبرونو كې دي؟

او هغه څه راښكاره كړى شي چې په سینو كې دي