English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSettings
Surah The Overthrowing [At-Takwir] in Tatar
إِذَا ٱلشَّمۡسُ كُوِّرَتۡ ﴿1﴾
Кайчан кояшның нуры китәрелсә, чорналса (караңгылык белән).
وَإِذَا ٱلنُّجُومُ ٱنكَدَرَتۡ ﴿2﴾
Вә йолдызлар җиргә коелсалар (метеоритлар).
وَإِذَا ٱلۡجِبَالُ سُیِّرَتۡ ﴿3﴾
Вә таулар урыннарыннан кузгалсалар.
وَإِذَا ٱلۡعِشَارُ عُطِّلَتۡ ﴿4﴾
Вә ун айлык буаз дөяләр игътибарсыз калдырылсалар.
وَإِذَا ٱلۡوُحُوشُ حُشِرَتۡ ﴿5﴾
Вә кыр хайваннары бер урынга җыелсалар.
وَإِذَا ٱلۡبِحَارُ سُجِّرَتۡ ﴿6﴾
Вә дәрьяләр бер урынга түгелсәләр.
وَإِذَا ٱلنُّفُوسُ زُوِّجَتۡ ﴿7﴾
Вә яхшы кешеләр яхшыларга һәм яман кешеләр яманнарга кушылсалар.
وَإِذَا ٱلۡمَوۡءُۥدَةُ سُىِٕلَتۡ ﴿8﴾
Вә тере хәлдә күмелгән кыз балалар соралсалар. (Җаһилият вакытында ґәрәбләр кыз балаларын тәрбияләргә авырсынып яки аларны ят кешегә кияүгә биреп җибәрү хурлык дип, тере хәлдә күмәләр иде.)
بِأَیِّ ذَنۢبࣲ قُتِلَتۡ ﴿9﴾
Ни сәбәпле үтерелдең дип, нинди гөнаһы бар иде, нигә үтердегез дип.
وَإِذَا ٱلصُّحُفُ نُشِرَتۡ ﴿10﴾
Вә гамәл дәфтәрен хисаб өчен таратылса.
وَإِذَا ٱلسَّمَاۤءُ كُشِطَتۡ ﴿11﴾
Вә күк урыныннан китәрелсә.
وَإِذَا ٱلۡجَحِیمُ سُعِّرَتۡ ﴿12﴾
Вә җәһәннәм каты кыздырылса.
وَإِذَا ٱلۡجَنَّةُ أُزۡلِفَتۡ ﴿13﴾
Вә җәннәт якын китерелсә.
عَلِمَتۡ نَفۡسࣱ مَّاۤ أَحۡضَرَتۡ ﴿14﴾
Шул вакытта һәркем үзенең хәзерләгән яхшы, вә яман эшләрен белер.
فَلَاۤ أُقۡسِمُ بِٱلۡخُنَّسِ ﴿15﴾
Ант итәмен кире кайтучылар белән.
ٱلۡجَوَارِ ٱلۡكُنَّسِ ﴿16﴾
Вә яшерен йөрүчеләр илә. Ягъни китеп-килеп, күренеп һәм күренмичә йөрүче йолдызлар белән ант итәм.
وَٱلَّیۡلِ إِذَا عَسۡعَسَ ﴿17﴾
Вә төн белән ант итәм, һәркайчан килсә ул төн.
وَٱلصُّبۡحِ إِذَا تَنَفَّسَ ﴿18﴾
Вә таң белән ант итәмен, һәркайчан ачылса.
إِنَّهُۥ لَقَوۡلُ رَسُولࣲ كَرِیمࣲ ﴿19﴾
Шиксез, ул Коръән хөрмәтле Җәбраилнең Аллаһудан алып килгән сүзедер.
ذِی قُوَّةٍ عِندَ ذِی ٱلۡعَرۡشِ مَكِینࣲ ﴿20﴾
Ул Җәбраил олугъ куәт иясе вә хөрмәтедер, ґәреш иясе Аллаһ хозурында.
مُّطَاعࣲ ثَمَّ أَمِینࣲ ﴿21﴾
Ул Җәбраилгә башка фәрештәләр итагать итәләр, соңра ул ышанычлы хыянәттән пакьдер.
وَمَا صَاحِبُكُم بِمَجۡنُونࣲ ﴿22﴾
Вә сезнең юлдашыгыз Мухәммәд г-м дивана түгел һәм үзлегеннән сүз сөйләүче дә түгел.
وَلَقَدۡ رَءَاهُ بِٱلۡأُفُقِ ٱلۡمُبِینِ ﴿23﴾
Тәхкыйк ул Җәбраилне күрде югары ачык күктә.
وَمَا هُوَ عَلَى ٱلۡغَیۡبِ بِضَنِینࣲ ﴿24﴾
Ул Мухәммәд г-м кешеләргә мәгълүм булмаган ахирәт хәлләреннән Коръән белән хәбәр бирүдә саран түгелдер.
وَمَا هُوَ بِقَوۡلِ شَیۡطَـٰنࣲ رَّجِیمࣲ ﴿25﴾
Ул Коръән Аллаһу хозурыннан таш белән сөрелгән шайтан сүзе түгелдер.
فَأَیۡنَ تَذۡهَبُونَ ﴿26﴾
Коръәнне куеп кая барасыз? Аллаһ китабын ташлап Аллаһ җәннәтенә ничек барасыз?
إِنۡ هُوَ إِلَّا ذِكۡرࣱ لِّلۡعَـٰلَمِینَ ﴿27﴾
Ул Коръән барча галәм халыкларына вәгазьдер, кирәк эшләрне исләренә төшерүчедер вә кешеләргә иманны, динне, һидәятне һәм тәрбияне кәсеп итә торган иң туры юлдыр.
لِمَن شَاۤءَ مِنكُمۡ أَن یَسۡتَقِیمَ ﴿28﴾
Сезләрдән туры юлга күнелергә теләге булган кешеләргә вәгазь һәм туры юлдыр.
وَمَا تَشَاۤءُونَ إِلَّاۤ أَن یَشَاۤءَ ٱللَّهُ رَبُّ ٱلۡعَـٰلَمِینَ ﴿29﴾
Юк туры юлга күнелүне тели алмассыз, мәгәр барча галәмнәрне тәрбия итүче Аллаһу тәгалә теләсә генә.