Settings

Hide header

Hide footer

Dark mode

Font size

Surah The Most High [Al-Ala] in Uzbek

Surah The Most High [Al-Ala] Ayah 19 Location Makkah Number 87

سَبِّحِ ٱسْمَ رَبِّكَ ٱلْأَعْلَى ﴿1﴾

Олий қадар бўлган Роббинг исмини поклаб ёд эт.

Энг олий зот бўлмиш Парвардигорингизнинг номини покланг!

ٱلَّذِى خَلَقَ فَسَوَّىٰ ﴿2﴾

У яратган ва мутаносиб қилган зотдир.

У яратган ва расо қилиб қўйган Зотдир.

وَٱلَّذِى قَدَّرَ فَهَدَىٰ ﴿3﴾

У ўлчовли қилган ва ҳидоятга бошлаган зотдир.

У белгилаб, ҳидоят қилиб қўйган Зотдир.

وَٱلَّذِىٓ أَخْرَجَ ٱلْمَرْعَىٰ ﴿4﴾

У ўт-ўланни чиқарган зотдир.

У ўт-ўланни ундириб чиқариб,

فَجَعَلَهُۥ غُثَآءً أَحْوَىٰ ﴿5﴾

Бас, У уни қорайган хашак қилган зотдир.

Сўнг уни қорамтир хас-хашак қилиб қўйган Зотдир.

سَنُقْرِئُكَ فَلَا تَنسَىٰٓ ﴿6﴾

Биз сенга қироат қилдирамиз, бас, эсдан чиқармайссан.

Биз сизни қироат қилдирурмиз. Бас, сиз унутмассиз.

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿7﴾

Магар Аллоҳ хоҳлаганини. Албатта, У ошкорни ҳам, махфий нарсани ҳам биладир.

Аллоҳ хоҳлагани бундан мустасно. Албатта, У Зот ошкора ишларни ҳам, хуфёналарини ҳам билур.

وَنُيَسِّرُكَ لِلْيُسْرَىٰ ﴿8﴾

Ва сени осон йўлга муяссар қилармиз.

Биз сизни осонликка муваффақ қилурмиз.

فَذَكِّرْ إِن نَّفَعَتِ ٱلذِّكْرَىٰ ﴿9﴾

Бас, агар эслатиш манфаат берса, эслатгин.

Эслатиш фойда берса, эслатинг!

سَيَذَّكَّرُ مَن يَخْشَىٰ ﴿10﴾

Албатта, қўрққан эсга оладир.

(Аллоҳдан) қўрқадиган киши эслатмага қулоқ солади.

وَيَتَجَنَّبُهَا ٱلْأَشْقَى ﴿11﴾

Ва бадбахт ундан четда бўладир.

Бадбахт кимса эса ўзини ундан четга олур.

ٱلَّذِى يَصْلَى ٱلنَّارَ ٱلْكُبْرَىٰ ﴿12﴾

У катта оловга кирадир.

Катта оловга кирадиган (бадбахт).

ثُمَّ لَا يَمُوتُ فِيهَا وَلَا يَحْيَىٰ ﴿13﴾

Сўнгра унинг ичида ўлмай ҳам, тирилмай ҳам қоладир.

Сўнгра у жойда на ўла олур ва на яшай олур!

قَدْ أَفْلَحَ مَن تَزَكَّىٰ ﴿14﴾

Батаҳқиқ, ким пок бўлса, ютуқ топадир.

Дарҳақиқат, пок бўлган киши нажот топгай.

وَذَكَرَ ٱسْمَ رَبِّهِۦ فَصَلَّىٰ ﴿15﴾

Ва Роббиси исмини зикр қилса ва намоз ўқиса ҳамдир.

Парвардигорининг номини ёд этиб намоз ўқиган (киши).

بَلْ تُؤْثِرُونَ ٱلْحَيَوٰةَ ٱلدُّنْيَا ﴿16﴾

Лекин, сизлар дунё ҳаётини устун қўясизлар.

Йўқ! Сизлар шу дунё ҳаётини устун қўйяпсизлар!

وَٱلْءَاخِرَةُ خَيْرٌۭ وَأَبْقَىٰٓ ﴿17﴾

Ҳолбуки, охират яхшироқ ва боқийроқдир.

Ҳолбуки, охират яхшироқ ва боқийроқдир.

إِنَّ هَٰذَا لَفِى ٱلصُّحُفِ ٱلْأُولَىٰ ﴿18﴾

Албатта, бу аввалги саҳифаларда бордир.

Албатта, (Сизга эслатилган) бу (нарсалар) аввалги саҳифаларда бордир.

صُحُفِ إِبْرَٰهِيمَ وَمُوسَىٰ ﴿19﴾

Иброҳим ва Мусо саҳифаларидадир.

Иброҳим ва Мусо саҳифаларида.