English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
RomanianSettings
Surah The Dawn [Al-Fajr] in Uzbek
وَلَيَالٍ عَشْرٍۢ ﴿2﴾
Ва ўн кеча билан қасам. (Уламоларимиз, ушбу оятдаги ўн кечадан мурод Рамазон ойининг охирги ўн кечаси, уларда Лайлатул қадр кечаси ҳам бор, деганлар.)
Ўн кечага қасам.
هَلْ فِى ذَٰلِكَ قَسَمٌۭ لِّذِى حِجْرٍ ﴿5﴾
Мана шуларда ақл эгаси учун (қаноатлантирувчи) қасам бордир?!
Мана шу (айтиб ўтилган нарса)ларда ақл эгалари(ни қониқтирадиган) қасам борми?!
أَلَمْ تَرَ كَيْفَ فَعَلَ رَبُّكَ بِعَادٍ ﴿6﴾
Сен Роббинг Одга қандай (муомала) қилганинни билмадингми?
Парвардигорингиз Одни қандай қилганини кўрмадингизми?
ٱلَّتِى لَمْ يُخْلَقْ مِثْلُهَا فِى ٱلْبِلَٰدِ ﴿8﴾
Унинг мисли бошқа диёрларда халқ қилинмаганга.
Юртларда уларнинг ўхшаши яратилмаган эди.
وَثَمُودَ ٱلَّذِينَ جَابُوا۟ ٱلصَّخْرَ بِٱلْوَادِ ﴿9﴾
Ва водийда харсанг тошларни кесган Самудга. ( Роббинг нима қилганини билмадингми?)
Водийда харсанг тошларни кесган Самудни.
وَفِرْعَوْنَ ذِى ٱلْأَوْتَادِ ﴿10﴾
Ва кўп аскарлари бор Фиръавнга. (Роббинг нима қилганини билмадингми?)
Ва кўп аскарлари бор Фиръавнни.
ٱلَّذِينَ طَغَوْا۟ فِى ٱلْبِلَٰدِ ﴿11﴾
Улар турли ўлкаларда туғёнга кетган эдилар.
Юртларда ҳадларидан ошган.
فَأَكْثَرُوا۟ فِيهَا ٱلْفَسَادَ ﴿12﴾
Улар у(ўлка)ларда бузғунчиликни кўпайтирдилар.
У жойларда фасодни кўпайтириб юборгандилар.
فَصَبَّ عَلَيْهِمْ رَبُّكَ سَوْطَ عَذَابٍ ﴿13﴾
Бас, Роббинг уларнинг бошига турли азобларни қуйди.
Бас, Парвардигорингиз уларнинг устига турли азоб-офатни ёғдирди!
إِنَّ رَبَّكَ لَبِٱلْمِرْصَادِ ﴿14﴾
Албатта, Роббинг кузатиб турувчидир. (У ким нима қилаётганини ўта аниқлик билан кузатиб туради. Кузатиб туриб туғёнга кетган, ҳаддидан ошган ва зулм қилганларнинг жазосини беради.)
Шак-шубҳасиз, Парвардигорингиз кузатиб тургувчидир.
فَأَمَّا ٱلْإِنسَٰنُ إِذَا مَا ٱبْتَلَىٰهُ رَبُّهُۥ فَأَكْرَمَهُۥ وَنَعَّمَهُۥ فَيَقُولُ رَبِّىٓ أَكْرَمَنِ ﴿15﴾
Бас, қачон инсонни Роббиси синаш учун икром қилса ва неъмат берса: «Мени Роббим икром қилди», дейдир.
Энди қачон инсонни Парвардигори синаш учун азиз-мукаррам қилиб қўйса ва унга неъмат ато этса, Парвардигорим мени азиз қилди, дейди.
وَأَمَّآ إِذَا مَا ٱبْتَلَىٰهُ فَقَدَرَ عَلَيْهِ رِزْقَهُۥ فَيَقُولُ رَبِّىٓ أَهَٰنَنِ ﴿16﴾
Бас, қачон Роббиси синаш учун ризқини тор қилиб қўйса: «Роббим мени хорлади», дейдир.
Қачон уни синаш учун ризқини танг килиб қўйса, Парвардигорим мени хор қилди, дейди.
كَلَّا ۖ بَل لَّا تُكْرِمُونَ ٱلْيَتِيمَ ﴿17﴾
Йўқ! Балки Сизлар етимларни икром қилмассизлар.
Асло! Сизлар етимни иззат-икром қилмайсизлар!
وَلَا تَحَٰٓضُّونَ عَلَىٰ طَعَامِ ٱلْمِسْكِينِ ﴿18﴾
Бир-бирингизни мискинларга таом беришга ундамассизлар.
Бир-бирингизни мискинларга таом беришга ундамайсизлар.
وَتَأْكُلُونَ ٱلتُّرَاثَ أَكْلًۭا لَّمًّۭا ﴿19﴾
Ва меросни шиддатла ейсизлар.
Меросни эса шиддат ила еяверасизлар.
وَتُحِبُّونَ ٱلْمَالَ حُبًّۭا جَمًّۭا ﴿20﴾
Ва молни кўп яхши кўрасизлар.
Мол-дунёни ўта яхши кўрасизлар.
كَلَّآ إِذَا دُكَّتِ ٱلْأَرْضُ دَكًّۭا دَكًّۭا ﴿21﴾
Йўқ! Вақтики, ер зилзилага тушиб парча-парча бўлиб кетса.
Асло! Замин парча-парча қилиб юборилганда;
وَجَآءَ رَبُّكَ وَٱلْمَلَكُ صَفًّۭا صَفًّۭا ﴿22﴾
Ва Роббинг ва фаришталар саф-саф бўлиб келса.
Парвардигорингиз ва фаришталар саф-саф бўлиб келганда;
وَجِا۟ىٓءَ يَوْمَئِذٍۭ بِجَهَنَّمَ ۚ يَوْمَئِذٍۢ يَتَذَكَّرُ ٱلْإِنسَٰنُ وَأَنَّىٰ لَهُ ٱلذِّكْرَىٰ ﴿23﴾
Ва ўша кунда жаҳаннамни келтирилса, ўша кунда инсон эслайдир. Лекин бу эслашдан энди не фойда?!
Ўша кунда жаҳаннам келтирилганда. Ўша кунда инсон эслайдир. Лекин бу эслашдан энди не фойда?
يَقُولُ يَٰلَيْتَنِى قَدَّمْتُ لِحَيَاتِى ﴿24﴾
У, афсуски, (охират) ҳаётимга ҳам бирор нарса тақдим қилсам бўлар экан, дейдир.
«Шу ҳаётим учун ҳам бирон нарса тақдим қилиб қўйганимда эди», деб қолади.
فَيَوْمَئِذٍۢ لَّا يُعَذِّبُ عَذَابَهُۥٓ أَحَدٌۭ ﴿25﴾
Бас, ўша кунда Аллоҳнинг азобига ўхшаш азобла ҳеч ким азобламас.
Ўша кунда Аллоҳнинг азобига ўхшаш азоб билан ҳеч ким азоблай олмайди.
وَلَا يُوثِقُ وَثَاقَهُۥٓ أَحَدٌۭ ﴿26﴾
Ва Унинг боғлашига ўхшаш ҳеч ким боғламас.
У Зотнинг боғлаши каби ҳеч ким боғлай олмас!
ٱرْجِعِىٓ إِلَىٰ رَبِّكِ رَاضِيَةًۭ مَّرْضِيَّةًۭ ﴿28﴾
Роббингга сен Ундан, У сендан рози бўлган ҳолингда қайт!
Парвардигорингга рози бўлган ва рози қилинган ҳолда қайт!