Surah The morning hours [Ad-Dhuha] in Yaw

Surah The morning hours [Ad-Dhuha] Ayah 11 Location Makkah Number 93

وَٱلضُّحَىٰ ﴿1﴾

Nguulumbila nsana.

وَٱلَّيْلِ إِذَا سَجَىٰ ﴿2﴾

Ni chilo ndema jachikutulala.

مَا وَدَّعَكَ رَبُّكَ وَمَا قَلَىٰ ﴿3﴾

Ngananneka Ambuje ŵenu (mmwe Muhammadi ﷺ) soni nganam'benga.

وَلَلْءَاخِرَةُ خَيْرٌۭ لَّكَ مِنَ ٱلْأُولَىٰ ﴿4﴾

Soni chisimu umi wambesi uŵele wambone nnope kukwenu kupunda wandanda.

وَلَسَوْفَ يُعْطِيكَ رَبُّكَ فَتَرْضَىٰٓ ﴿5﴾

Soni tachija kumpa Ambuje ŵenu (yambone) ni tinchisengwa.

أَلَمْ يَجِدْكَ يَتِيمًۭا فَـَٔاوَىٰ ﴿6﴾

Ana nganansimana n'di ŵawina nikumpa liwuto lyambone?

وَوَجَدَكَ ضَآلًّۭا فَهَدَىٰ ﴿7﴾

Soni ni ŵansimene n'di ŵangachimanya chongoko (jajili Qur'an ni malamusi ga Dini) nikun'jongola?

وَوَجَدَكَ عَآئِلًۭا فَأَغْنَىٰ ﴿8﴾

Ni ŵansimene soni n'di ŵakulaga nikunsichilisya?

فَأَمَّا ٱلْيَتِيمَ فَلَا تَقْهَرْ ﴿9﴾

Sano mwanache jwawina basi ngasimunchima.

وَأَمَّا ٱلسَّآئِلَ فَلَا تَنْهَرْ ﴿10﴾

Nombe soni jwakuŵenda basi ngasimunkalipila.

وَأَمَّا بِنِعْمَةِ رَبِّكَ فَحَدِّثْ ﴿11﴾

Soni chindimba cha Ambuje ŵenu (Allah) basi chisimbani (pakutogolela ni kutenda yambone).